ސޯޝަލް މީޑިއާގައި ކުރި ޕޯސްޓަކާ ގުޅިގެން ތިނަދޫ ވެމްކޯ މުވައްޒަފުން މެދުގައި މާރަމާރީއެއް ހިނގައިފި

ތިނަދޫ ސިޓީގައި ހުންނަ ވެމްކޯ ސައިޓުގައި މަސައްކަތްކުރާ ދެ މުވައްޒަފެއްގެ މެދުގައި މިއަދު ނުރައްކާތެރި މާރަމާރީއެއް ހިނގައިފިއެވެ.

މި ހާދިސާ ހިނގަން މެދުވެރިވީ ސޯޝަލް މީޑިއާގައި މީހަކު ކުރި ޒާތީ ޕޯސްޓަކާ ގުޅިގެން އުފެދުނު ދެބަސްވުމެއްގެ ތެރެއިންނެވެ. މަޢުލޫމާތު ލިބިފައިވާ ގޮތުގައި، މި މާރަމާރީ ހިންގާފައިވަނީ ސިޔާސީ ގޮތުން އުފެދިފައިވާ ޒާތީ މައްސަލަތަކެއްގެ ސަބަބުންނެވެ.

ތިނަދޫން ޚަބަރު ލިބޭގޮތުގައި، އެ ސިޓީގެ ވެމްކޯ އޮފީސް ތެރޭގައި މަސައްކަތްކުރާ މުވައްޒަފުންގެ މެދުގައި ސިޔާސީ ޚިޔާލު ތަފާތުވުންތައް ބޮޑުވެ، މައްސަލަ ހައްލުނުވެ އޮންނާތާ ގިނަ ދުވަސްތަކެއް ވަނީ ވެފައެވެ. މިއަދު ހިނގި މި ކުރިމަތިލުމަކީ އެ ނުތަނަވަސްކަމުގެ ތެރެއިން ފެންމަތިވި ކަމެއް ކަމަށް ބެލެވެއެވެ.

މި މާރަމާރީގައި ބައިވެރިވި ދެމީހުންނަށްވެސް އެކިވަރުގެ ކުދި އަނިޔާތައް ލިބިފައިވީ ނަމަވެސް، އެއްވެސް މީހަކަށް ސީރިއަސް އަނިޔާއެއް ލިބިފައި ނުވާކަމަށް މައުލޫމާތު ލިބެއެވެ.

މި މައްސަލަ މިހާރު ތިނަދޫ ސިޓީ ޕޮލިހުން ދަނީ ރަސްމީކޮށް ތަހުގީގު ކުރަމުންނެވެ. ފުލުހުން ބުނެފައިވަނީ މާރަމާރީއާ ގުޅިގެން ބަލަންޖެހޭ ކަންކަން ބަލަމުންދާ ކަމަށެވެ.